Min Shaw word 80

SECUNDA – Die bekende sanger Min Shaw het op Woensdag, 26 November haar 80ste verjaarsdag op Secunda gevier.

Familie van Shaw woon op Secunda en hulle het vir haar ’n geleentheid by ’n plaaslike kroeg gereël.

Haar jarelange sangmaat Lance James was ook by die geleentheid en die sangpaar het die gaste vermaak en ’n paar van hul ou treffers saam gesing.

James het Shaw met haar verjaarsdag geluk gewens en gesê dit was ’n voorreg om saam met haar te kon optree.

Hy het gesê sy het die verhoog vir die bediening verruil.

Shaw het later met haar seun en haar man, Willie van Blerk, gedans en die aand saam met vriende en familie geniet.

Sy is bekend vir haar Country- en gospelmusiek.