SECUNDA – Mnr. Hendrik Keyser (62) het in 2007 vanaf Secunda na Stellenbosch vir kankerbewusmaking gestap nadat sy vrou, me. Cora Keyser, in 2006 aan borskanker dood is.
Hy berei tans voor om in Maart weer na Stellenbosch te stap.
Dié keer gaan hy egter ’n ander roete stap en ’n stapmaat, mnr. Koos Coetzee, gaan hom aflos.
“Ek gaan ’n uur stap, dan stap hy weer ’n uur en in die aande gaan ons beurte maak en vir ses ure aaneen stap,” het mnr. Keyser gesê.
Hy het nie tydens die vorige staptog snags gestap nie.
Die vorige staptog het dus sewe weke geduur en mnr. Keyser beplan om vanjaar s’n binne 14 dae te voltooi.
Sy hoofdoel vir die staptog is om geld vir Kansa in te samel vir spesifieke toerusting wat dié organisasie wil koop wat hulle sal help om moesies te ontleed.
Dit kos bykans R480 000.
