Twee netbalspanne, die eerste en 0/16A, is as Mpumalanga-kampioene gekroon en drie rugbyspanne, die tweedes, derdes en 0/16B, is ook vanjaar se Mpumalanga-Grootskoleliga-kampioene.
Ligbron Akademie vir Tegnolgie se “Blou Masjien” het die afgelope naweek behoorlik gebrul en skitterende prestasies op die sportveld gelewer.
Twee netbalspanne, die eerste en 0/16A, is as Mpumalanga-kampioene gekroon en drie rugbyspanne, die tweedes, derdes en 0/16B, is ook vanjaar se Mpumalanga-Grootskoleliga-kampioene.
Die eerste en 0/16A-rugbyspan het ná hul oorwinnings deurgedring na die onderskeie eindstryde wat ná die Julie-vakansie beslis sal word.
Die 0/15A-span het met 13 – 24 teen Hoërskool Secunda vasgeval.
Ligbron het dus vyf van hul ses rugbywedstryde gewen in die Mpumalanga-Grootskoleliga half- en eindwedstryde wat op Secunda gespeel is.
Die Liggies se 0/16B-rugbyspan het Hoërskool Standerton met 14 – 6 geklop en die derde span het HTS Witbank met 12 – 8 geklop.
Die tweedes het met 20 – 8 oor HTS Witbank geseëvier.
Ligbron se eerste span het die nederlaag teen hul buurskool twee weke gelede agter hulle geplaas en die bordjies behoorlik verhang met ‘n oorwinning van 34 – 13.
Teen rustyd was die Erries met 13 – 12 voor en dit het gelyk of Ligbron weer ‘n taai stryd op hande sou hê.
Ligbron het egter in die tweede helfte vlamgevat en ‘n verdere 22 punte aangeteken om die eindtelling op 34 – 13 te staan te bring.
Ligbron se punte-makers was Isaac Pedro, Thabiso Mkhwebane, Gert Cronjé, Eddie Dludlu en Calvin Clack wat drieë gedruk het, Gert Cronjé wat drie doelskoppe behaal het en Thabiso Mkhwebane wat ‘n strafskop oorgeskop het.
Ligbron speel ná die vakansie in die Mpumalanga-Grootskoleliga se eindstryd teen die wenners van die wedstryd tussen Secunda en HTS Witbank wat Dinsdag weer moet uitspeel.
You can read the full story on our App. Download it here.