Kruiwawedrenkoors loop hoog by Laerskool Sundra

Dit was weer tyd vir Laerskool Sundra se tradisionele kruiwawedren toe leerders aan dié prettige aksie op 6 September deelgeneem het.

Sommer vroeg-vroeg was die sportveld gevul met kleurvolle deelnemers, vol van lag en pret.

Die kompetisie was straf, maar aan die einde van die oggend se pret met kruiwa’s, was die wenspan aangekondig as dié van onderwysers Helena Storm en Kobie Rheeder se graad 3E-leerders.