Bejaardes by Kosmos Aftreeoord doen kuns

Kosmos Aftreeoord bied weekliks kunsgeleenthede aan hul inwoners, waar bejaardes die kans het om hul innerlike kunstenaar wakker te maak.

Die tantes het op 5 September pragtige prente met potlode ingekleur, terwyl Miemie Cronje waterverf aangedurf het.

Beeldskone Proteas, kalkoene, olifante en talle voëltjies het die tafels versier, elkeen met ’n ander spesiale gevoel oorgedra deur die bejaarde kunstenaars.