Jannie Nichols wen A-afdeling van Standerton Buiteklub se maandbeker
Wikus du Preez het die B-afdeling gewen met ’n netto van 66, gevolg deur Herman Mynhardt se 74.
Gholfspelers het op Woensdag 9 November die kans benut om na die stortreën mekaar in sonskyn oor nege- en 18 putjies die stryd aan te sê.
Patrizia Lombard het by eersgenoemde geseëvier met 18 punte in dié IPS-kragmeting en ’n spog-twee behaal.
Francois Cronjé het met 17 geëindig, gevolg deur Freddie Welmans en Deon Grimsell wat albei 16 aangeteken het.
Gerrit Nel het 15 op die telkaart ingevul, terwyl Donnie Taljaard 14 behaal het. Nick Momberg het op 13 te staan gekom en Neville Ritchie op 10.
Herman Mynhardt was onoorwonne oor 18 putjies en kon spog met 36 punte.
Dié puntetotaal is ook deur Louis Gravett en Stephen Nortjé geëwenaar, terwyl sowel Ronald Kinnear as Gert du Preez 35 aangeteken het.
Jaco Sutherland het op 34 te staan gekom, terwyl Wikus Fourie en Hennie Swanepoel 33 aangeteken het. Gerrit Coetzee het met 32 geëindig.
Jannie Nichols het op Saterdag 5 November behoorlik ingeklim en dié klubkampioen het sy naam gestand gedoen.
Nichols kon spog in die A-afdeling met ’n netto van 66 en het ook ’n spog-twee (2) behaal.
Altesaam 21 spelers het by die maandelikse beker in die A-, B- en C-afdeling meegeding.
Kobie Coetzee het tweede met 69 geëindig en ook ’n spog-twee behaal.
Casper Roux het ’n netto van 71 aangeteken, gevolg deur RJ Kinnear met 72 en Ronald Kinnear met 73.
Attie van der Westhuizen het op 74 te staan gekom, terwyl Gert du Preez 79 behaal het en Joré Nortjé 83.
Wikus du Preez het die B-afdeling gewen met ’n netto van 66, gevolg deur Mynhardt se 74.
Mynhardt het ’n spog-twee behaal, terwyl Patrizia Lombard dit geëwenaar en met 76 geëindig het.
Nico Lombard het ook 76 op die telkaart ingevul, gevolg deur Johan Griesel se 79, wat ’n spog-twee behaal het.
Clifford van Vuren het 80 op die telkaart ingevul, Fourie het 81 aangeteken, terwyl Aldo Arnaldi op 85 te staan gekom het.
Wian Starbuck het 88 behaal en Mark Nortjé 89.
Francois Cronjé het 30 punte in die C-afdeling opgestapel, Phillip du Preez 29 en Riaan Starbuck 26.
Johan Griesel het die vorige middag se Sundowner-kompetisie met ’n netto van 36 gewen.
Dié kragmeting is in medal-formaat beslis.
Sowel Louis Bibbey as Riaan Starbuck het 37 aangeteken, terwyl Willie Griesel 38 op die telkaart ingevul het.
PJ Venter het met 40 geëindig en Carus van Rensburg met 42.
