Waarskuwing op kragboks onvoeldoende

‘n Inwoner het op Facebook ‘n inskrywing gedeel oor ‘n waarskuwing op ‘n stuk papier wat op ‘n kragboks in Standertstraat naby Pick n Pay, opgeplak is.

Sy het op 3 Julie omstreeks 3.30nm met haar kinders gaan stap en dit in die verbygaan opgemerk en met haar terugkeer, het iemand blitsig daarop gereageer.

Volgens haar, het werkers ‘n halfuur vantevore by die boks gewerk.

Die Standerton Advertiser het op Vrydag 5 Julie met me. Thobeka Mtshiselwa, kommunikasiebestuurder van die Lekwa Munisipaliteit, in verbinding getree oor die aangeleentheid en ook die foto’s per e-pos vir kommentaar gestuur.

‘n Afskrif van die e-pos is daarna aan haar persoonlik oorhandig.