Ermelo Hoëveld Landboufees beloof groot pret vir almal in te hou

Die Ermelo Hoëveld Landboufees wat vanaf 5 tot 7 Maart op die Ermelo Skouterrein gaan plaasvind, beloof om pret vir jonk en oud in te hou.

Bekende Afrikaanse kunstenaars sal saans sorg vir vermaak.

Piet Pompies gaan Donderdag op die planke verskyn met Ivan Roux en Jennifer Zamudio wat Vrydagaand te sien is.

Saterdagaand sal Arno Jordaan en Ampie die skou afsluit.

Vir die jongspan sal die pretpark hulle weer vir ure besig hou en Boeboe die Nar sal sorg vir seer maagspiere.

Die kosstalletjies, restaurant en biertent sal sorg dat niemand honger of dors sal wees nie.

Vir die inkopie-lustiges sal die stalletjies in die sale en op die terrein vir elkeen iets bied.

Meer inligting oor wat vanjaar se Landboufees sal bied, sal oor die volgende paar weke in die Hoëvelder verskyn