Sien ons jou by die Terranova Nagmark?
Little Paws Big Hearts (LPBH) sal weer heerlike nageregte by Terranova se nagmark van 4nm tot 8nm op Saterdag 28 Junie verkoop. Geld wat ingesamel word, word gebruik om diere wat deur LPBH gered is, te versorg. Meer as 60 uitstallers en hope kinderpret is ook op dié dag beskikbaar.
TRICHARDT – Little Paws Big Hearts (LPBH) sal weer heerlike nageregte by Terranova se nagmark van 4nm tot 8nm op Saterdag 28 Junie verkoop.
Bestellings kan vooraf gemaak word om teleurstelling te voorkom.
Dit is nou jou kans om aan lekkernye vir ’n goeie doel te smul.
Kaaskoek, Peppermint crisp-tert en malva-poedding is maar ’n paar van die geregte waarvan daar gekies kan word.
Geld wat ingesamel word, word gebruik om diere wat deur LPBH gered is, te versorg.
Meer as 60 uitstallers en hope kinderpret is ook op dié dag beskikbaar.
Kunstenaars sal deur die loop van die dag optree.
Moenie dat die koue jou keer nie, boma vure sal net die ding doen om jou warm te hou.
Om ’n stalletjie te bespreek, stuur ’n WhatsApp boodskap aan Liesl by 083 555 0378.
Om nagereg vooraf te bestel, skakel Verna by 082 924 5707.
