Hoërskool Secunda wen meeste van hul hokkie- en rugbywedstryde

SECUNDA – Hoërskool Secunda se hokkie- en rugbyspanne het onlangs op hul tuisveld met Hoërskool Rob Ferreira van Witrivier kragte gemeet in die Pumas grootskole-liga en goed gevaar.

Meeste van Secunda se hokkie- en rugbyspanne het hul wedstryde gewen.

Secunda se eerste rugbyspan se wentelling was 47-10, die tweedespan het met 29-0 gewen, die 0/16-span het met 29-31 in die stof gebyt, die 0/15-span het met 64-0 gewen en die 0/14-span met 24-5.

Hoërskool Secunda se eerste hokkiespan het met 5-0 gewen, die tweedespan met 4-1, die 0/16A-span het met 0 elk gelykop gespeel, die 0/15A-span het met 14-0 gewen en die 0/14A-span het met 10-0 gewen.