Wernich Rossouw speel vir Suid-Afrika tennis
Goedehoop-leerder het, toe hy 11 jaar oud was al vir 0/13-span gespeel
SECUNDA – Wernich Rossouw, ‘n gr. 7-leerder van Laerskool Goedehoop, is by die interprovinsiale tennistoernooi in Bloemfontein, gekies om deel van die Suid-Afrikaanse Skole-tennisspan te wees.
Dié span bestaan uit die agt beste laerskooltennisspelers in Suid-Afrika.
Wernich gaan saam met die span vanaf 17 tot 29 Augustus in Amerika toer en onder andere ‘n oefenkamp by die Universiteit van Illinois bywoon en die Amerikaanse Ope-tennistoernooi in New York besoek.
Hy speel al tennis sedert hy ses jaar-oud is en het Mpumalanga in die 0/13-span verteenwoordig sedert hy 11 jaar oud is.
Hy was reeds toe hy 12 jaar oud was, die nommer een speler in Mpumalanga onder die laerskoolspelers en hy is die eerste seun van Mpumalanga wat die Suid-Afrikaanse Skole-tennisspan gehaal het.
Sy afrigter, mnr. Pieter Opperman, was self ‘n top junior en professionele tennisspeler op sy dae.