Gert Sibande streekspan en Mpumlanga wen krieketwedstryde
Sasol 2 klop Sasol 1 op tuisveld
SECUNDA – Verskeie krieketspanne het die afgelope naweek op Secunda kragte gemeet.
Die Gert Sibande-streekspan het Ehlanzeni (Laeveld) Saterdag geklop met 156 lopies en die 2018 Mpumalanga Titans Presidente Bekertoernooi gewen.
Gert Sibande het eerste gekolf en 303/7 in 40 boulbeurte behaal.
Estian Cilliers het 98 lopies van 48 balle aangeteken en Francous Kroucamp het 62 lopies aangeteken.
Gert Sibande het Ehlanzeni vir 151 lopies uitgeboul.
Ruhan Delport het vyf paaltjies vir slegs 22 lopies in sewe boulbeurte geneem.
Gert Sibande het vroeër in November teen Nkangala Distrik gespeel en die wedstryd met 57 lopies gewen.
George Louw het 96 lopies aangeteken, Siya Mahima 78 en Estian Cilliers 52.
Gert Sibande het 324 lopies aangeteken en Nkangala vir 257 lopies uitgeboul.
Sasol 1 en Sasol 2 het ook op hul tuisveld kragte gemeet en Sasol 2 het Sasol 1 geklop.
In die vroue-liga het KwaZulu-Natal met Mpumalanga kragte gemeet.
Mpumalanga het gewen deur 223 lopies aan te teken.
