POLOKWANE – Dié konsert beloof om weer ‘n hoogtepunt op die kultuurkalender van Polokwane te wees. Die bekende en vermaarde dirigent van die UJ Universiteitskoor, Renette Bouwer, sal die dirigeerstok hanteer en ook twee sopraansolo’s lewer.
Die samewerking van nog twee kore is bekom, Cantamus Corde van Pretoria o.l.v. Surette Prinsloo, en Molen Kòrus van Potchefstroom.
Molen Kòrus, onder leiding van Loretté du Toit en Kobus Venter, is verlede jaar as wenners van die oop afdeling vir gemengde kamerkore by die Wêreld Koorspele in Pretoria aangewys.
Renchia Grobbelaar sal die orrelbegeleiding behartig. Ensemble Esprit het nog oop plekke vir veral soprane en tenore wat dringend gevul moet word. Ander stempartye is ook welkom.
Belangstellendes met koorervaring word genooi om saam te kom sing – dié geleentheid gaan nie gou weer kom nie! Skakel Ans Becker by 082 457 8171 vir meer besonderhede of om ‘n oudisie te reël.
