Inwoners van die stad het hulle verlustig in die kreatiwiteit van die uitstallers by die Handgeduntes Mark wat van Donderdag tot Saterdag by die NG Kerk-Noord aangebied is.
Jean-Marie Woest beman 'n stalletjie met eetgoedjies, konfyte, teddiebere en ook handgemaakte sakke.
POLOKWANE – Inwoners van die stad het hulle verlustig in die kreatiwiteit van die uitstallers by die Handgeduntes Mark wat van Donderdag tot Saterdag by die NG Kerk-Noord aangebied is.
Alle produkte wat uitgestal en verkoop is, was met die hand gemaak. Peta-Ann Malan se vinnige vingers het veral aftrek van markgangers gekry. Sy het sketse van mense gemaak terwyl hulle gewag het.
“Dis ‘n wonderlike idee en dis lekker om ons goed te kan uitstal,” het Rentia Nell, wat ‘n stalletjie met klippe beman het en ook haar eie tuisgemaakte peri-peri en servethouers verkoop het, gesê.
Daar was ook skilderye, handgemaakte messe, konfyte, gebak, poppe en kussings te koop.
Plaaslike musikante het in die teetuin opgetree.
“Hier is ‘n wonderlike atmosfeer en ek hoop dit kan ‘n gereelde gebeurtenis word,” het Annetjie Vermeulen, een van die markgangers, gesê.
Ansie du Toit, organiseerder van die Handgeduntes Mark, het verduidelik dat van die winste vir die kerk gaan. “Byna al die uitstallers het belowe om ‘n bedrag aan die kerk te gee.”
Baie van die stalletjies is beman deur vrywilligers terwyl die eienaars en kunstenaars nog gewerk het.
“Dit is lekker om almal se handgemaakte produkte te sien, dit moet ‘n jaarlikse instelling word,” het Adri Vermaak gesê.
Jean-Marie Woest beman ‘n stalletjie met eetgoedjies, konfyte, teddiebere en ook handgemaakte sakke.
Zack en Elize Zowitzkey beman stalletjies wat onder andere kussings en konfyte te koop aanbied.
Tracey du Preez koop klippe met inspirerende boodskappe by Rentia Nell.
Jacques Duvenhage verkoop tuisgemaakte atjars en ook bonsaiboompies.
Hans en Monas le Grange verkoop tuisgemaakte kussingslope en sakke.
Alice Mossner verkoop handgemaakte poppe by die Handgeduntes Mark.
Chrissie Schulz maak self dié lappoppe wat sy by die Handgeduntes Mark uitstal.
Die drie sussies is almal betrokke by die handgeduntes mark. Voor sit Elsie Breegem wat porseleinherstelwerk doen. Agter staan Ria van Schalkwyk en Ansie du toit. Ansie is die organiseerder van die Handgeduntes Mark en Ria het eetgoed verkoop.
Marenell Smit beman die stalletjie wat gebak aan markgangers verkoop.
Sonnia Fox sit en maak hangertjies van kralletjies by die Handgeduntes Mark.
Corrie Nell verkoop tuisgemaakte peri-peri en ook servethouers van vurke gemaak.
Esther Thulare beman Lynette’s Art se stalletjie en verkoop handgemaakte spieëls.
Peta-Ann Malan teken potrette van mense terwyl hulle wag.
Susan Swanepoel verkoop tuisgemaakte kaartjies by die Handgeduntes Mark.
Linda Berret en Mientjie Coetzee verkoop handgemaakte kruise by die Hangeduntes Mark.