POLOKWANE – Die finale wedstryde is verlede week op die bane van Hoërskool Pietersburg in verskeie wedstryde gespeel.
Na ‘n paar harde wedstryde is die o/12-span van Noordskool uiteindelik as die Limpopowenners gekroon.
Die afrigter van die span, Elmare Wolmerans vertel dat sy baie trots is op die spelers, omdat hulle ondanks strawwe kompetisie baie goed gevaar het en nooit moed opgegee het in die seisoen nie.
Die o/11-A netbalspan het ook nie die koppe laat hang na hulle as die tweede beste span in die liga aangewys is nie.
Die afrigter van die span, Soekie Joubert vertel dat die meisies hard gewerk het en baie vordering deur die seisoen getoon het en ook baie spangees getoon het.
Die span het net met een punt verloor en dit bewys dat al hulle harde werk beloon is, het sy bygevoeg.
