Local sport
Borgskap vir Noordelikes
Tony Da Costa, Noordelikes se voorsitter het gesê,“Ons is ‘n amateurrugbyklub en borge en skenkings is altyd welkom.”
POLOKWANE – Noordelikes Rugbyklubspelers kon die afgelope Saterdag hulle opwarming vir hul wedstryde, in splinternuwe T-hemde doen danksy ‘n borgskap van Takealot.
Noordelikes se eerste en tweedespanne het teen Kruinies Rugbyklub se spanne te staan gekom.
Die konsessiehouer van Takealot, Alvin Lucas, is ‘n ou Noordelikesspeler en het tot onlangs toe nog vir hulle uitgedraf.
Tony Da Costa, Noordelikes se voorsitter, het hom genader vir die borgskap.
“Ons is ‘n amateurrugbyklub en borge en skenkings is altyd welkom. Dit is lekker as ons voormalige spelers steeds deel bly van ons verrigtinge.”
Die uitslae vir Saterdag se wedstryde:
• Eerstespan: Heuwelkruin wen 29-27.
• Tweedespan: Noordelikes wen 30-5.
