HPP, Krugerpark-swemmers klief deur die water

MOKOPANE – Ongeveer 260 swemmers van die provinsie het onlangs aan die Southern sprint swemgala deelgeneem wat by Hoërskool Piet Potgieter aangebied is.

Talle rekords is tydens die byeenkoms opgestel:

• Stephanie Dannhauser (HPP) behaal ‘n tweede plek in die 50m borsslag en verbeter haar tyd met 3,32 sekondes. Stephanie het ook ‘n tweede plek in die 100m rugslag behaal, en haar tyd met 1,39 sekondes verbeter. 

  

• Carla Dannhauser (HPP) swem ‘n eerste plek los in die 100m rugslag en verbeter haar tyd met 3,13 sekondes.

• Carmi Schoeman (HPP) het twee eerste plekke behaal en verbeter haar tyd in die 200m wisselslag met 4,83 sekondes en 1,04 sekondes in die 50m vlinderslag.

• Emma-Lee Claassen (KP) het ‘n eerste plek verower in die 50m vryslag en haar tyd met 2,03 sekondes verbeter.

• Marné Truter en Marnus Truter (KP) het hulle tye ook verbeter. Marné het in die 100m rugslag haar tyd met 8,31 sekondes verbeter terwyl Marnus sy tyd in die 100m rugslag met 2,99 sekondes verbeter het.

• Aldo Vorster (KP) het ‘n eerste plek los geswem in die 50m rugslag en sy tyd met 0,93 sekondes verbeter.

• Avah Smit (KP) het eerste geëindig in die 100m rugslag en haar tyd met 6,99 sekondes verbeter.

• Petri Grobler en Jadine Grobler (KP) het uitmuntende prestasies behaal. Petri verower ‘n eerste plek in die 200m wisselslag en verbeter sy tyd met 10,17 sekondes. Jadine het haar tyd in die 200m wisselslag met 18,36 sekondes verbeter.

• Shaun Teich het ‘n tweede plek verower 50m vryslag en sy tyd met 2,37 sekondes verbeter. Hy het ook ‘n tweede plek behaal in die 200m wisselslag en sy tyd met ‘n ongelooflike 13,92 sekondes verbeter. In die 100m borsslag swem Shaun ‘n eerste plek los en verbeter sy tyd met 0,51 sekondes.