MOKOPANE – Botha, afrigter van Brave Stoeiklub in Mokopane, het pas teruggekeer van die Statebondspele in Australië waar hy die dorp en land se naam hoog gehou het.
Hy het met ‘n silwer medalje teruggekeer en is nou hard aan die werk om sy stoeiklub vorentoe te neem.
Lees meer: Hanru Botha palm silwer by Statebondspele in
Botha sê mense wat weerloos is, veral kinders, lê hom na aan die hart.
“Ek het ‘n liefdadigheidsprojek begin waar ek met Downsindroom kinders werk.
“Die kinders leer respek, dissipline, selfstandigheid en selfverdediging aan deur middel van speel. Ek sal altyd opkom vir die een wat geboelie word en wat homself nie kan verdedig nie.”
Botha sê Downsindroom kinders word soms uit die samelewing se oog geskuif en word oorgesien as dit kom by sport of op gebiede waar hulle weerloos kan wees.
“Ek wil juis hierdie kinders leer om vir hulleself op te staan. Daar is merkwaardige kinders met Downsindroom wat aan alles deelneem van akademie, wetenskap tot sport. Dit gee vir hierdie kinders soveel inspirasie wanneer ek met hulle werk.”
Belangstellendes kan Botha of sy pa, Rudi, by 083 605 4487 of 083 229 7956 kontak.
redaksie.bosvelder@nmgroup.co.za
