HPP is Beeldtrofee wenners!

Vandeesweek loop Hoërskool Piet Potgieter waarnemende hoof, Cas Badenhorst, sy leerkragte en leerders breëbors want dit is die eerste keer sedert 1986 dat die skool die trofee huistoe kon bring.

HPP se o/15-rugbyspan met die Beeldtrofee vir mediumskole saam met hul afrigters Hans du Plessis, Renier Labuschagne, Wessels Venter en waarnemende skoolhoof, Cas Badenhorst. Inlas: Mogaka Masemene wat die oorstoot wendrie in die doodsnikke van die wedstryd gedruk het. Foto's: Verskaf

MOKOPANE – In die doodsnikke van die eindstryd om die Beeldtrofee vir mediumskole het HPP se o/15-rugbyspan koning gekraai met ‘n wendrie wat die telling na 22-20 geskuif het teen Hoërskool Ben Viljoen van Groblersdal.

Dit was ‘n naelbyt-eindstryd in Vryburg met Mogaka Masemane wat in die laaste minuut die bordjies verhang het met ‘n prag drie. Mogaka wat as heelagter uitgedraf het, sê beskeie as dit nie vir sy spanmaats se ondersteuning was nie, sou hy nie kon oorduik vir die wendrie nie.

Die flank, Siphiwe Tjale, is met sy puik spel na die wedstryd deur een van die borge beloon met ‘n kontantbedrag van R750.

Die span is ook vanjaar die Limpopo kampioen.

Mogaka Masemene wat die oorstoot wendrie in die doodsnikke van die wedstryd gedruk het.

Justin Nel wie deur HPP afrigters gekies is as speler van die wedstryd en Siphiwe Tjale wat deur ‘n borg van die wedstryd, Virseker, gekies is as speler van die wedstryd. Siphiwe het ‘n kontantbedrag ontvang vir sy puik spel.

Bosveld praat met die afrigters. Lees meer in Bosveld Review

lionel@nmgroup.co.za