Jukskei: Limpopo-spelers maak trots in Kroonstad
Twee van Limpopo se agt jukskeispanne het onlangs gewys daar niks fout is met hulle korrel nie.
![](https://images.caxton.co.za/wp-content/uploads/sites/68/2015/04/DSC_2179-cop_582258540.jpg)
POLOKWANE – Twee van Limpopo se agt jukskeispanne het onlangs gewys daar niks fout is met hulle korrel nie.
Die 75ste Suid-Afrikaanse Senior Jukskeikampioenskappe is van 6 tot 10 April in Kroonstad gehou en twee Limpopo-spanne het eerste in hulle afdelings geëindig.
Alhoewel die kampioenskappe straf was, het die Limpopo-spanne hulle beslis nie laat afskrik nie.
Die senior vrouespan, waarvan plaaslike speler Paula Kotze deel is, het ‘n eerste plek in die Pikkie Uys-afdeling verwerf en die Limpopo o/30 gemengde dubbelspan, waarvan plaaslike speler Werner Swanepoel deel is, was ook eerste in die o/30-gemengde dubbelsafdeling.
“Ons is trots op ons twee spanne met hul eerste plekke, en aan al die ander spanne, baie geluk,” het Limpopo se jukskei-organiseerder, Anton Botha opgemerk.