Swemsterre in hulle element
Die Tuks Mokopane Swemklub se top swemmers het in Desember verlede jaar in hul Limpopo-kleure alles ingesit teen die ander provinsies se beste swemmers tydens die Suid-Afrikaanse Nasionale Skoleswemkampioenskappe
MOKOPANE – VAN die Tuks Mokopane Swemklub se top swemmers het in Desember verlede jaar in hul Limpopo-kleure alles ingesit teen die ander provinsies se beste swemmers tydens die Suid-Afrikaanse Nasionale Skoleswemkampioenskappe in die Hillcrest swembad in Pretoria.
Raymond Kockott het ‘n brons medalje verower in die 100 m vlinderslag vir seuns o/14. Hy was ook sesde in die 200 m vryslag en sewende in die 50 m vryslag.
Raymond het ook saam sy spanmaats, Carel Smit, Heinrich Strydom en Ivan Beukes van Polokwane silwer medaljes ingepalm in die aflos 4 x 100 m vryslag en die aflos 4 x 50 m vryslag.
Heinrich Strydom het ‘n brons medalje in die 200 m rugslag gekry en was vierde in die 100 m rugslag en agtste in die 400 m vryslag. Morné van der Bank het vyfde geëindig in die 100 m rugslag en sesde in die 50 m en 200 m rugslag vir seuns o/ 15. Franco Botha het ‘n brons medalje gekry in die 200 m rugslag vir seuns o/12.
Die swemmers bedank Awie Hattingh vir al sy harde werk om hulle in top toestand te kry voor die kampioenskappe.