MOKOPANE – Rudolf de Vos, organiseerder van die toernooi wat op Mookgophong gehou is, is tevrede en sê die seuns het hulle harte uitgespeel.
“Daar is reeds sewe skole wat laat weet het hulle wil aanstaande jaar weer deel van die reuse rugbyweek wees. Ons gaan vorentoe net groei.”
Lees ook: Rugby kraai hier koning
Waterberg High School is vir die eerste keer in die geskiedenis van die Mauritz Hansen Rugbyweek uitgenooi om deel te neem en afrigter Willie Strauss sê dit was ‘n groot voorreg.
“Ons o/14-span het ten minste een van hul drie wedstryde gewen. Hulle het teen Northcliff gespeel en die telling was 14-10 in ons guns met Temosho Masubela as die speler van die wedstryd.”
Hoërskool Hans Strijdom se spelers het alles ingesit met die dat hulle hoof, George Klopper, vandeesmaand aftree.
Die eerstespan wat die wenbeker vanjaar huis toe gevat het, is Hoërskool Oos Moot van Pretoria. Die span klop Witteberg High School met ‘n telling van 28-26.
Uitslae van die Hansies en HPP se spanne is as volg met die speler van die wedstryd in hakies:
3 April:
• Hans Strijdom se eerste span wen Hoërskool Erasmus met 26-3 (Kiewiet van Niekerk).
• Hans Strijdom se tweedespan wen Morgenzon Landbou Akademie met 51-0 (JC Buys).
• Hans Strijdom se o/14 span wen Hoërskool Lydenburg met 45-29 (Hannes Fourie).
• Hans Strijdom se o/15 span wen Morgenzon Landbou Akademie met 61-8 (Kobus Heymans).
• HPP se o/15 span wen Hoërskool Oos Moot met 29-5 (Percy Hawken).
• HPP se tweedespan wen Hoërskool Dinamika met 17-14 (Franco du Toit).
5 April:
• Hans Strijdom se o/16 span wen Hoërskool Dinamika met 17-12 (Jandré Louw).
• Hans Strijdom se tweedespan wen Hoërskool Dinamika met 13- 5 (Alex Wessels).
• HPP se eerstespan wen Port Natal Skool met 15-12 (CG Kruger).
• HPP se o/15 span wen Hoërskool Dinamika met ‘n telling van 21- 7 (Stefan Venter).
7 April:
• Hans Strijdom se o/16 span wen Hoërskool Lydenburg met 50 – 7 (Hannes Terblanche).
• Hans Strijdom se o/14 span wen Hoër Tegniese Skool John Vorster met 17-5. (Hannes Fourie).
• Hans Strjidom se o/15 span wen teen Northcliff High School met ‘n telling van 44-10. (Nieard Rietchard).
• HPP se eerstespan wen Hoërskool Pionier met 28-14 (SW Bruwer).
• HPP se o/16 span wen Hoërskool Dinamika met 12-7 (Dian Theron).
• HPP se o/14 span wen Hoërskool Oosterlig met 24-12 (Michael de Beer).
Percy Hawken (o/15) van HPP is aangewys as speler van die week, terwyl Justin Nel en CG Kruger gekies is vir die Mauritz Hansen XV-tal-span. Hulle gaan later vanjaar na Engeland toer. Keenan Brandt van die Hansies is ook deel van die toerspan.
