Trofeë vir Krugies se trompoppies

Na 'n tawwe seisoen op die trompoppievelde is die trompoppies van Laerskool Krugerpark vir hul harde werk tydens 'n onlangse prysuitdeling vereer.

Lara Saayman, Tisetso Chokwe, Charlene Zowitsky, Abigail van Staden, Twané Human en Chané Human spog met hul welverdiende trofeë.

MOKOPANE – Na ‘n tawwe seisoen op die trompoppievelde is die trompoppies van Laerskool Krugerpark vir hul harde werk tydens ‘n onlangse prysuitdeling vereer.

Twané Human ontvang trofeë vir haar rol as hoofleier, vir die beste Pom-Pom, beste Trompoppie asook die wisseltrofee vir haar vyf jaar agtereenvolgende deelname. Chané Human spog met die trofee vir die beste subleier en vir vyf jaar aaneenlopende deelname.

Abigail van Staden ontvang die trofee vir die beste baton, Tisetso Chokwe vir die beste Pom-Pom, Charlene Zowitsky vir die beste dubbelvlag en Lara Saayman raap die trofee op vir die beste enkelvlag.