Plaaslike fietsryers ontvang Limpopo-kleure

Vier lede van die Polokwane Pedallers Cycling Club (PPCC) het na afloop van verlede naweek se Magoebaskloof Stanford Mountain Bike Challenge provinsiale kleure in hul onderskeie kategorieë verwerf.
Die ryers het onderskeidelik oor afstande van 35 km en 70 km deelgeneem. Om vir provinsiale kleure te kwalifiseer moet ryers aan ten minste vier wedrenne waarvan die Magoebaskloof Stanford verpligtend is, deelneem.
Aubrey Thomas, meester, Respect Ramashia, o.23, Frans Roodt, sub-veteraan en Emsie Stoltz, veteraan, het hul goed van hul taak gedurende die jaar gekwyt om vir Limpopo-kleure te kwalifiseer.

Storie: RC Myburgh
>>rc.observer@gmail.com