Die Alle Style Vriendskaplike Karatekampioenskappe wat onlangs deur JKA Polokwane Karateklub by Hoërskool Nooderland aangebied is, het 144 karatekas van 12 Limpopo-klubs gelok.
JKA-Polokwanelede, onder leiding van sensei, Piet van Rensburg het uitstekend gevaar en 13 goue-, 13 silwer- en 11 bronsmedaljes verwerf.
Deelnemers het in style soos shukokai en kofukan, wat deur Japan Karate Association (JKA) en Japan Karate Shoto (JKS) onderskryf word, meegeding.
Storie: RC Myburgh >>rc.observer@gmail.com
Fotos: Alet-Elize van Jaarsveld >>alet-elize@observer.co.za
Hooffoto: Die juniorkaratekas van JKA Polokwane Karateklub spog met die medaljes wat hulle tydens die Alle Style Vriendskaplike Karatekampioenskappe verower het. Voor is Logan da Silva, Stephan Janse van Rensburg, Ben Vorster, Leandré Coetzee en Kabelo Mawasha. Agter is Aynaz Halajian, Nathan Weideman, Henri Purcocks, Cornia Claassens en Paul Snyman.