Reën demp nie pret by 4×4-byeenkoms
4×4-geesdriftiges van die Limpopo 4×4-Klub het onlangs te midde van reënbuie met hul byeenkoms op die Silikonpad voortgegaan. Geen hindernistrajekte het plaasgevind nie omdat die baan plek-plek oorstroom was. Toeskouers het versigtig opsygestaan terwyl die spesiaal omgeboude voertuie deur die modder geploeter het, maar dit was duidelik dat veral die jonger 4×4-entoesiaste hul nie deur …
![](https://images.caxton.co.za/wp-content/uploads/sites/68/2016/03/4x4.jpg)
4×4-geesdriftiges van die Limpopo 4×4-Klub het onlangs te midde van reënbuie met hul byeenkoms op die Silikonpad voortgegaan.
Geen hindernistrajekte het plaasgevind nie omdat die baan plek-plek oorstroom was.
Toeskouers het versigtig opsygestaan terwyl die spesiaal omgeboude voertuie deur die modder geploeter het, maar dit was duidelik dat veral die jonger 4×4-entoesiaste hul nie deur die modder laat afskrik het nie.
![Foto’s: Barry Viljoen Jack Paulsen sleep ‘n buiteband in sy Toyota Hilux oor die modderbaan.](https://www.observer.co.za/wp-content/uploads/sites/141/2016/03/4x42-300x185.jpg)
Jack Paulsen sleep ‘n buiteband in sy Toyota Hilux oor die modderbaan.
Die klubvoorsitter, Martin Groenewald sê die dag is aangebied om bestuurders geleentheid te gee om hul voertuie se vermoëns te toets, maar uiteindelik was dit ‘n pretdag met vele deelnemers wat in die modder baljaar het.
Hoof Foto: Chantelle Pallas, Jakkie Uys, Hugo en Louisa Pallas, Kosie Fichardt, Hendrik de Beer, Massie Fichardt en Bernard Radmore by die span se Willys Jeep wat ‘Raap n Skraap’ gedoop is.
BARRY VILJOEN
>>barryv.observer@gmail.com