Schools
PHS-matrikulante vier laaste dag van skoolloopbaan
Die gr. 12's het vroegoggend in die matriekblok byeengekom en daarna deur 'n erewag gestap na die vierkant om saam met die res van die skool af te sluit.
POLOKWANE – Elke jaar op PHS se gr. 12-groep se laaste skooldag, word daar op ‘n tradisionele manier afskeid geneem.
Só was dit dan ook Vrydag die geval tydens die jaarlikse Matriek Vaarwel.
Die gr. 12’s het vroegoggend in die matriekblok byeengekom en daarna deur ‘n erewag gestap na die vierkant om saam met die res van die skool af te sluit.
Izelna Venter en Wian Terblanche, hoofleiers van 2023 het die skool toegespreek waarna hulle die vaandel, Kardoesie en Scottie, die skool se gelukbringer aan die nuwe hoofleiers, Nicolas Oerlemans en Lara van Staden oorhandig het.
Om die oggend af te sluit het die gr. 12’s deur die Poort van die Toekoms gestap en saam met hulle ouers ‘n kerkdiens in die saal bygewoon.
