Ruben Venter: Sewe jaar later
Ruben Venter floreer ondanks die Beckwith-Wiedemann Sindroom (BWS) waarmee hy gebore is.
POLOKWANE – Nege jaar gelede is Ruben Venter met Beckwith-Wiedemann Sindroom (BWS) gebore en vandag is hy ‘n gelukkige jong seun. BWS is ‘n toestand waarin die tong buitengewoon vergroot is.
Ruben se ma, Monique, sê na sy operasie om sy tong te verklein, het hy begin praat en het sy gesondheid verbeter. Dié operasie het op sy eerste verjaarsdag plaasgevind.
“Ruben is twee maande te vroeg gebore en voor sy geboorte het die dokters geen onraad vermoed nie. Die toets vir BWS is ‘n spesifieke toets wat gedoen moet word, maar aangesien ons nie van die sindroom geweet het nie, het ons nie die toets laat doen nie.”
Voor sy operasie was Ruben meer vatbaar vir siektes, veral longontsteking. Hy het ook gesukkel om te eet en drink en vreeslik gesnork, soms selfs opgehou met asem haal.
“Hy is heelwat minder opgeneem in die hospitaal en sommer baie frisser as altwee sy boeties, een wat ‘n jaar jonger is en een van ouer is. Ouboet moet maar sterk staan teen hom. Hy slaap baie goed, maar loop en praat so baie sy slaap tot groot vermaak vir die res van die familie.”
Die Venter familie het intussen na Modimole verhuis waar Ruben in Laerskool Nylstroom skoolgaan.
Monique vertel hy blink akademies en op die rugbyveld uit en is gewild onder sy onderwysers en afrigters
“Hy het sy talent in musiek ontdek en begin om die boere konsertina onder leiding van Oom Danie Grey te speel.”
