Haenertsburg: In die hart van die Wolkberge en talle inwoners
Op 4 Julie het inwoners van Haenertsburg gehoor hulle is Limpopo se Dorp van die Jaar finalis, en lesers kan van 18:00, 7 Julie tot 12:00, 22 Julie stem om te sorg dat Haenertsburg as die beste dorp gekroon word.
POLOKWANE – Knus in die hartjie van die Wolkberge, met ‘n welige woud, golwende grasvelde en selfs die bekende Magoebaskloof, lê die klein kunstige dorpie, Haenertsburg.
Dié dorp is bekend vir sy verskeie feeste en markdae waar items wat plaaslik vervaardig word uitgestal en verkoop word en plaaslike kunstenaars wys wat in hulle steek. Avonturiers, stappers, waaghalse en voëlkykers is gereeld in Haenertsburg te sien waar hulle die natuurlewe en rustigheid geniet.
Selfs die begraafplaas is ‘n gewilde toeriste aantreklikheid. Haenertsburg se inwoners is rustige mense en vreemdelinge word gou vriende hiér. Daar is vele aktiwiteite om aan deel te neem soos die Magoebaskloof Canopy Tours, bessies pluk en staproetes vir oud en jonk.
Lees ook: Exotically delicious ice-cream in the heart of Haenertsburg
Die unieke restaurante en kuierplekke, soos The Pot and Plough, Iron Crown Pub and Bistro en Zwakala Breweries, is gemaklike kuierplekke waar mense gereeld kan vashaak.
Al hierdie interessante plekke en geleenthede het Haenertsburg in die kollig gesit toe KykNet se Kwêla Dorp van die Jaar span een dorp in Limpopo moes kies om deel te wees van die kompetisie.
Op 4 Julie het inwoners van Haenertsburg gehoor hulle is Limpopo se Dorp van die Jaar finalis, en lesers kan van 18:00, 7 Julie tot 12:00, 22 Julie stem om te sorg dat Haenertsburg as die beste dorp gekroon word.
Die dorp van die jaar wen R1m se bemarkingswaarde van KykNet en ‘n 45-sekonde advertensie deur Homebrew Films, wat ook Kwêla se vervaardiger is, en wat gedurende KykNet se advertensietyd uitgesaai sal word.
‘n Groot makietie, geborg deur Kia, met musiek, kos en pret sal in die dorp gehou word en dit sal ook verfilm word vir Kwêla.
Die Polokwane Observer het vir lesers gevra wat Haenertsburg so lekker maak en waarom die dorp moet wen:
