POLOKWANE – Een van die oudste tradisies by Hoër Tegniese Skool Tom Naudé, is wanneer hulle gr.8-leerders aan die begin van die skooljaar tot ridder geslaan word.
Hierdie gebeur by Senator Tom Naudé se graf en vanjaar, by die N.G. Pietersburg-Noord, was daar by hierdie tradisie bygevoeg.
Die gr.12-leerders het vandag hulle laaste skooldag gevier en as deel van die prosedures het waarnemende Skoolhoof, Vanessa Kachelhoffer, elke leerder weer tot ridder geslaan.
“Nou slaan ek jou tot ridder om in die wêreld in te gaan. Die skool het van jou ‘n ridder gemaak en jy gaan nou God se kroon in die wêreld dra,” het sy gesê.
