POLOKWANE – Om partytjie te hou is vir meeste leerders ‘n lekkerte, veral as hierdie partytjie tydens skooltyd gehou word. Oosskool vier vanjaar sy 48ste bestaansjaar en Osies kon op Dinsdag, 21 Januarie deel in hierdie pret. Daar was gesing en gedans asook baie gelag. Die bekende Skibidi liedjie van Little Big het in die agtergrond geblêr terwyl die Osie-leiers hulle dans bewegings ten toon gestel het.
