POLOWKANE – Adriene de Wit, tuinbouklublid het verlede week die volgende raad gegee aan lede oor wat hulle hierdie tyd van die jaar (Mei en Junie) in hulle tuine kan doen:
• Groot struike soos bv broodbome kan nou geskuif word sodat hulle wortels kan vestig voordat dit groeityd is as die lente aanbreek.
• Haal groente uit wat klaar gedra het, plant pietersielie, basiliekruid en oreganum, asook preie vir soppe en bredies.
• Kleurvolle winterbolle en plante kan by ingange en die voordeur geplaas word vir ‘n vrolike verwelkoming van gaste: violas, gousblomme, cinnerarias, viooltjies.
• Plant lobelias, primulas en cinnerarias.
• Sny plantvoeding, moenie Junie en Julie kunsmis toedien nie.
• Sny ook op besproeiing, en gee net in die oggende water.
• Gooi blare, skaafsels of neutedoppe as deklaag vir plante.
• Inheemse vrugtebome kan tot teen die einde van Julie gesnoei word. Moenie te vroeg snoei nie.
Lees meer: Spaar water in jou tuin
Tuinbouklublede is herinner aan die groot blommeskou tussen 31 Oktober en 3 November in Johannesburg. Vir meer besonderhede, kyk aanlyn by Johannesburgflower.com