[OPVOLG] 2x lewenslank vir Wiers-moordenaar
Tanya Wiers (44) se moordenaar, Frans Maela is lewenslank gevonnis vir haar moord, lewenslank vir verkragting en 15 jaar addisioneel vir roof met verswarende omstandighede.
POLOKWANE – Hy vonnisse sal samelopend uitgedien word. Aansoek om verlof tot appèl is van die hand gewys.
Lees meer: OPVOLG: Maela skuldig aan Tanya Wiers-moord
Die vonnis is vanoggend gemaak nadat regter Gerrit Muller Vrydag, na ‘n verhoor van ongeveer twee weke, Maela Vrydag skuldig bevind het aan moord, roof met verswarende omstandighede en verkragting.
Tydens die verhoor het die hof aangehoor hoe Tanya se seun, Rolf, op 7 Februarie 2017, na skool op sy ma se half-naakte liggaam afgekom het.
Kort hierna is die polisie gekontak en is Maela inhegtenis geneem.
Lees meer: Bloed ‘oral’ in Wiers-huis, hoor hof
In die hof het dit duidelik geword dat die polisie in baie opsigte nalatig was in die hantering van getuienis, maar Muller het dit duidelik gemaak dat ongeag daarvan, is daar genoeg bewyse gewees om Maela onomwonde skuldig te bevind.
Maela het onskuldig gepleit en ook getuig dat al die staat se getuies leuens vertel het.
Hy kon tydens sy getuienis nie die hof oortuig dat hy nie skuldig is nie.
Tydens sy skuldigbevinding asook sy vonnis van Tanya se ouers, Linda en Gé Geyser asook haar man, Rolf, teenwoordig.
