POLOKWANE – Op Donderdagmiddag, terwyl daar vir die laaste keer dié week spitsverkeer is, is motoriste wat in Marshall Straat ry vermaak deur drie Paashaas-rugbyspelende Vikings.
Die drie, Henry Marx, Zencoe Woller en Henry se kleinboet, Danie samel geld in vir ‘n toer na Los Angeles. Zencoe, Henry en nog ‘n speler, JP Venter, is gekies vir die Limpopo Vikings se sewesspan.
Lees ook: Tommies rugbyspelers oppad na Los Angeles
Die drie ‘bedelaars’ het elkeen ‘n haas-masker met ‘n Viking hoed en ‘n bord voor hulle bors, wat vertel hulle kort geld vir die toer. Daar is ook ‘n looitjie-kompetisie waar die prys ‘n fotosessie deur Zelda Hamman, ter waarde van R650 en fotoblokke geborg deur Handgemaak Polokwane, ter waarde van R1 500 is.
Vir kaartjies, kontak Henry Marx by 082 563 3849.
