Trots op sy pos as ‘n motorwag
Henk Venter is reeds 10 jaar lank 'n motorwag by 'n winkelkompleks in Biccardstraat.
![](https://images.caxton.co.za/wp-content/uploads/sites/68/2019/01/20190118_143342a-Medium.jpg)
POLOKWANE – Dit is sy plig om vir motoriste parkeerruimtes aan te wys en om seker te maak hul motors is veilig terwyl hulle die winkels gaan leegkoop.
As motorwag maak hy ook gereeld seker dat senior burgers ‘n spesiale parkeerplek naby die ingang kry, dra pakkies aan en help mense met hul trollies van en na die motors.
“Dis ‘n werk wat my pa gedoen het en ek ook nou doen, en ek is trots daarop.
“Soggens vroeg is ek op my pos en ek is trots om te sê, ek maak ‘n verskil,” vertel Henk.
Lees meer: Hercules: a car guard who always aims for good service
Net laasweek, het Henk ‘n skelm vasgetrek wat skoene uit ‘n winkel gegryp en daarmee probeer wegkom het.
Henk vertel dat die sentruwagte nie die man betyds kon keer nie en omdat hy altyd bewus is van wat om hom gebeur, het hy die man sien aankom en hom in sy spore gestuit.
Lees meer: Car guards not immune to financial chokehold on SA
“Daar was geen belong vir my om die man te vang nie en geen erkenning nie. Ek wil net hê die mense moet weet dat ons as motorwagte wel ‘n verskil maak ondanks die feit dat sommige mense op ons neersien,” vertel hy.
![](https://images.caxton.co.za/wp-content/uploads/sites/68/2017/12/website-fooeter-3.jpg)