Kleuters van Osieteddies Kleinkindontwikkelingsentrum het tydens hul onlangse jaarlikse Ouma en Oupadag vir groot opwinding in die AGS Taberna Dei Oos se kerkgebou gesorg.
Die kerk was van hoek tot kant vol met gretige oumas en oupas wat hul kleinkinders op die verhoog wou sien. Gaste is deur skoolhoof, Linda Kruger, verwelkom waarna kleuters hulle in klasverband op die verhoog tuisgemaak het.
Kleuters se ogies het vinnig hul grootouers in die gehoor opgespoor met ‘n waaiery en soetjiesblasery as gevolg.
Die groep kleuters het grootouers met ‘n verskeidenheid liedjies en gediggies wat hulle gedurende die jaar geleer het, beïndruk waarna hulle in die tuin met kolwyntjies, koffie, tee en sap bederf is.
Storie en foto’s: RC Myburgh
>>rc.observer@gmail.com
