Voortrekkers gee terug op Erfenisdag

As deel van hul Erfenisdagfeesvieringe het die Doornkraal Voortrekkers op Maandag, 24 September die Polokwane Konsentrasiekampbegraafplaas gaan opknap.

Johmar Wolmarans en Henk Lottering besig om nuwe klippies op die graf te gooi.

POLOWKANE – Alfa Sand het reeds verlede jaar vir hulle klippies gegee wat hulle nou gebruik het om op die grafte te gooi. Hulle het ook die omgewing skoongemaak en van die grafte reggemaak. Ook is die monumente gewas.

Tamaryn van Wyk en Elrie Lottering was die monumente by die Konsentrasiekamp begraafplaas.

“Ons wil dit graag ‘n jaarlikse tradisie maak en doen ‘n beroep op skole in die stad om betrokke te raak,” sê een van die offisiere, Henk Lottering.

maretha@nmgroup.co.za