Goue oues wys hulle het nog skóp
Die 93-jarige tannie Hanna Landman is Saterdag as die 11de Mev. Golden Oldies gekroon tydens die jaarlikse Golden Oldies Motorfietsbyeenkoms.
![](https://images.caxton.co.za/wp-content/uploads/sites/68/2018/09/IMG_9341_27103.jpg)
POLOKWANE – Sy, tesame met oom André Sans, wat as Mnr. Golden Oldie gekroon is, het saam met motorfietsryers en ander inwoners van Martha Hofmyer Ouetehuis en Vergeet-My-Nie Behuising heupe geswaai op die musiek van Gypsie G.
![](https://images.caxton.co.za/wp-content/uploads/sites/68/2018/09/IMG_9372_74743-520x390.jpg)
Reeds vroeg die oggend het die tannies van Vergeet-my-Nie en motorfietsryers gereed gestaan om ongeveer 117 borde ontbyt te voorsien. Daarna is daar heerlike speletjies gespeel en het die K9-Academy se honde ‘n vertoning gelewer. Daar was ook gelukkige trekkings gehou en die kinders is heerlik vermaak.
![](https://images.caxton.co.za/wp-content/uploads/sites/68/2018/09/IMG_9343_63066-520x390.jpg)
Golden Oldies word jaarliks aangebied ten bate van Martha Hofmeyr Ouetehuis en Vergeet-my-Nie Behuising. Metal of Honor Motorfietsklub, tesame met Kargo reël hierdie geleentheid waartydens van die bejaardes ook geleentheid kry om op die motorfietse te ry.
![](https://images.caxton.co.za/wp-content/uploads/sites/68/2018/09/IMG_9375_60785-520x390.jpg)
Die President van Metal of Honor, Ian Sauderson, vertel dat die dag ‘n reuse sukses was.
“Ons bedank almal wat elke jaar vir ons ondersteun en help om ‘n groot som geld aan die inwoners van die ouetehuis en behuising te kan gee.”
![](https://images.caxton.co.za/wp-content/uploads/sites/68/2017/12/website-fooeter-2.jpg)