LIMPOPO – Fourie het tydens ‘n onderhoud aan Bosveld gesê sy sukkel om tot verhaal te kom oor die swak opkoms met die Witkruisopgradering.
“Dit is ‘n jaar se beplanning, werk en advertensie met baie teenkanting van mense wat ek in die Witkruismonument se opgradering sit.
“Die kostes en beplanning dra ek op myself en die jaar se kostes het by die R20 000 gedraai.”
Fourie sê dit is tyd dat mense moet besluit of hulle dink daar is nog plek vir hulle in Suid-Afrika en of hulle wil opstaan en baklei vir hulle regte en hulle plekkie hier onder die Afrika son.
“Daar is weer 51 nuwe kruise opgerig en die Witkruismonument is die enigste monument wat groei. Dit hartseer om te sien hoe min belangstelling daar in die gemeenskap is.
“Bitter min boere van Limpopo was by die opgradering.
“Die meeste mense was vanaf Gauteng, Vrystaat en Natal. Daar was ook drie familielede van oorsee.”
Daar is die mense waarop ek elke jaar kan steun en vir hulle wil ek baie dankie sê sonder hulle het ek al lankal moed opgegee. Van die Bittereinde Kommando se lede kom van verskeie provinsies tot sover as Natal met hulle perde en uitrustings.
Dan wil ek ook Talisman van Polokwane bedank wat die enigste besigheid is wat my elke jaar ondersteun, die AWB en 911 Motorfietsklub.”
redaksie.bosvelder@nmgroup.co.za