Die polisie is op soek na die verdagtes wat gister (Sondag) ses leeus op ‘n plaas buite Rust de Winter buite Bela-Bela doodgemaak en vier se koppe en pote verwyder het.
Provinsiale polisiewoordvoerder, Moatshe Ngoepe sê ‘n werknemer op die plaas was op pad werk toe, toe hy ‘n bloedspoor sien en dit volg waarna hy op ses karkasse afgekom het waarvan vier se koppe en pote verwyder is. Geen ledemate is van twee verwyder nie.
Ngoepe sê die voorlopige ondersoek toon dat die leeus vergiftig is. ‘n Broek en ‘n paar tekkies is ook op die toneel gevind.
Enigiemand met inligting kan die ondersoekbeampte, Alpheus Mokale by 082 565 6524 skakel.
Storie: RC Myburgh
>>rc.observer@gmail.com