Na afloop van die semifinale ronde van die Limpopo skolekampioenskappe as deel van die Virseker Bekerreeks wat Saterdag by Curro Heuwelkruin gespeel is, het Kruinies na die finaal deurgedring wat op 21 Julie by Hoër Tegniese Skool Tom Naudé aangebied word.
Kruinies se o.14-span het vroeër reeds vir die finaal gekwalifiseer terwyl die eerstespan se oorwinning van 40-27 Saterdag teen Hoërskool Frans du Toit hul plek in die finaal verseker het.
Kruinies se o.16-span moes egter die knie met 22-34 teen Hoërskool Nylstroom buig.
Storie en foto’s: RC Myburgh
>>rc.observer@gmail.com