Mokopane se toestand wek kommer
Die Mokopane Besigheidskamer is dankbaar vir die klagtes wat ingedien is rondom die dorp se instandhouding.
MOKOPANE – Probleme wat aangespreek moet word, is verlede week tydens die Tour-around-Town aan die Mogalakwena Munisipaliteit se afgevaardigdes uitgewys.
Andy Goetsch, President van Mokopane Besigheidskamer sê daar was geweldig baie terugvoer vanuit die gemeenskap oor die stand van sake in die dorp.
“Ons is oorval met boodskappe wat ons kon voorlê sodat instandhouding en herstel kan plaasvind.” Volgens Goetsch is dit al manier hoe die munisipaliteit verantwoordelik gehou kan word en daar daadwerklik iets aan die probleme in die dorp gedoen sal word. Ons sal die publiek op hoogte hou oor die vordering.”
Probleme waaraan aandag geskenk moet word:
• Sloot in Hoogestraat.
• Sypaadjie het ingeval in Rabestraat.
• Geyser- en Thabo Mbekirylaankruising, ingenieursverslag word versoek.
• Ontbosting van bosse aangrensend tot Kameeldoringpark.
• Spoedwalle in Geyserstraat voor Mokopane Primêre Skool.
• Smouse by ingang van dorp.
• Mangat moet toegemaak word in Dudu Madishastraat.
• Opvul van Retiefstraat se sypaadjie wat ingeval het, en die herstel van die pad.
• Besighede wat handeldryf sonder lisensies.
• Die man onder die brug moet verwyder word.
• Besigheid moet voertuie verwyder wat Lathestraat versper.
• Slaggate in Thabo Mbekistraat, Charl Cilliers, Umkomaas, Wilge, Notwani, Gholf klub pad, Voor, Taylor, Van Heerden, Nelson Mandela, en Beytelstraat.
redaksie.bosvelder@nmgroup.co.za
