MOKOPANE -Sussa , die op-en-wakker hond van Suricat Sekuriteit, is terug op die been na ‘n skietvoorval waarin sy gewond is en ‘n operasie moes ondergaan.
Die eienaar van Suricat Sekuriteit, Div de Villiers, sê dit gaan baie goed met Sussa na ‘n koeël haar in die regteragterbeen getref het.
“Sussa trap al op die been en loop al mooi, maar sal eers oor agt weke weer aan diens wees. My dank gaan aan elke inwoner wat sy weg oopgesien het om ‘n donasie te gee vir Sussa se operasie. Die sekuriteitshonde lê my baie na aan die hart en hulle ondergaan baie ure se opleiding. Die honde speel ‘n belangrike rol in veiligheid en misdaadbekamping in die gemeenskap.”
redaksie.bosvelder@nmgroup.co.za
Related Articles
