Mookgophong krane wéér droog

MOOKGOPHONG – Dit volg nadat dorp in Desember vir minstens 14 dae aaneen sonder water was.

Met die afskop van die bekende Hansieweek het Bosveld met die woordvoerder van die Mookgophong Munisipaliteit, Naththaly Thloaelo Dinsdagoggend (vandag) gepraat: “Die Tegniese Departement tesame met die bestuur is tans op pad na die Frikkie Geyeserdam om die probleem te eien. Ons het vandag water aan Hoërskool Hans Strijdom voorsien en ons beoog dat almal teen Vrydag water in hulle krane sal hê.  Die Mookgophong Munisipaliteit vra onverskoning vir al die inwoners wat hierdeur geraak word.”