Bennie Boekwurm besoek Kruinies

Om ‘n liefde vir lees onder leerders in die grondslagfase van Curro Heuwelkruin te kweek, het die skool ‘n leesweek van 19 tot 23 Oktober aangebied.
Graad 1- tot 3-leerders het opvoedkundige woordspeletjies gespeel wat met spelling en woordbouvaardighede help.
Die gewilde Bennie Boekwurm het ook besoek afgelê en saam met die leerders stories gelees. Ter afsluiting van die leesweek het leerders soos hul gunsteling boekkarakters aangetrek en uit die boeke van hul keuse aan die klas voorgelees. Dié boeke kon aan die skool se leeshoekie geskenk word.

RC Myburgh
>>rc.observer@gmail.com