POLOKWANE – Vroeg Saterdagoogned was daar reeds ‘n geskarrel en gewerskaf by die Bosveld Bar en Grill soos uitstallers hulle stalletjies reggekry het vir die maandelikse boeremark wat sou plaasvind.
Daar was iets van alles te kies en te keur, van skilderye en hekelwerk tot vars heuning en gebottelde produkte. Kinders kon heerlik onder die bome speel en baljaar terwyl pappa ‘n koue ene in die kroeg geniet.