Mediclinic se 67 minute vir hoop

Kinders in pleegsorg van Hoop vir Kinders is Vrydag aangenaam verras toe hulle deur Mediclinic Limpopo bederf is met lekkernye sowel as blink nuwe tekkies.

Kinders in pleegsorg van Hoop vir Kinders is Vrydag deur Mediclinic Limpopo bederf. Voor is Christa van der Walt (maatskaplike werker, Pietersburg Kinder- en Gesinsorg), Istha Mcmillan (Mediclinic Limpopo) en Maryna Kruger (hoof, Hoop vir Kinders). Agter is Mkhensani Rikhotso (Mediclinic Limpopo), Dalene de Villiers (Mediclinic Limpopo), Stephanie Moelich (Mediclinic Limpopo), Jaco Jacobs (Mediclinic Limpopo) en Theresa Faver (Mediclinic Limpopo).

POLOKWANE – Kinders in pleegsorg van Hoop vir Kinders is Vrydag aangenaam verras toe hulle deur Mediclinic Limpopo bederf is met lekkernye sowel as blink nuwe tekkies.

Hoop vir Kinders is ‘n pleegsorgvesting wat saam met Pietersburg Kinder- en Gesinsorg werk.

Mediclinic Limpopo se personeel het Vrydag hul 67 minute vir Nelson Mandeladag aan hierdie kinders bestee.

Dié geleentheid is by Pietersburg Kinder- en Gesinsorg gehou.

Volgens Istha Mcmillan, Mediclinic Limpopo kliëntediens-bestuurder is Hoop vir Kinders se pleegsorghuise ‘n welwillendheidsprojek vir die privaat hospitaal, daarom is hierdie minderbevoorregte kinders Vrydag deur Mediclinic Limpopo bederf.