Eie Durban July vir dié ouetehuis se 50ste bestaansjaar

DIE Piet Potgieter Monument Ouetehuis het verlede Donderdag hul eie 'Durban July' gehou met 'n verskeidenheid diere van die Percy Fyfe dierebeskermingsverening (DBV), ter viering van hul 50ste bestaansjaar.

Die kalfie het die 10-jarige Kaitlynn Filmalter se aandag vreeslik geniet.

MOKOPANE – DIE Piet Potgieter Monument Ouetehuis het verlede Donderdag hul eie ‘Durban July’ gehou met ‘n verskeidenheid diere van die Percy Fyfe dierebeskermingsverening (DBV), ter viering van hul 50ste bestaansjaar.

Die inwoners het gesellig in die hitte van die oggendson gekuier en heerlik aan tuisgemaakte jaffels en soetsappige oliebolle gesmul terwyl die diere van die DBV jonk en oud se aandag geboei het.

“Ons loods ons eie ‘July’, sonder perde, maar met ‘n verskeidenheid van diere,” se Martie Venter, werknemer van die ouetehuis, tergend. Mariana van Tonder, bestuurder van die ouetehuis, bedank Marcelle Maritz, bestuurder van die DBV, vir die diere en hulp op die dag, asook almal wat in die pret kom deel het.

Die hasie van die DBV het oud en jonk se harte gesteel. Die inwoners laat die eenjarige Lizandrie Vennables saggies die hasie vryf.

Wanelle Engelbreght wys vir Lizandrie Vennables die oulike hasie van die DBV.