Veldgidse se sterre skyn
STUDENTE wat die Bushwise veldgidsopleidingskursusse voltooi het, het deurlopend die afgelope sewe jaar van die beste resultate in die land behaal.
MOKOPANE – STUDENTE wat die Bushwise veldgidsopleidingskursusse voltooi het, het deurlopend die afgelope sewe jaar van die beste resultate in die land behaal.
In die pas-afgelope vlak 1 veldgidsopleidingskursus (FGASA –geakkrediteer) het ‘n groep van 29 kandidate dit weer gedoen en ‘n gemiddelde slaagsyfer van 90.76% behaal.
Sedert 2012 het Bushwise die hoogste nasionale gemiddelde resultate van al die geakkreditterde opleidingsverskaffers in die land vir die ses maande kursusse en langer behaal. Charles Delport, hoof-opleidingsbeampte van Bushwise sê oor ‘n tydperk van ses jaar van 2007 tot 2012 het 94% van Bushwise studente hulle FGASA vlak 1 eksamen geslaag.
“Dit is bemoedigend om te sien dat behalwe goeie resultate, talle van die studente werk kry by van die top safari-oorde in die land. Inderdaad is dit so dat 95% van ons Suid-Afrikaanse studente permanente poste in die bedryf kry na hulle uitplasing.”
Vir meer inligting besoek www.bushwise.co.za
