Country-mandjiedans vir Klouter Kabouter kleuters

LEVUBU – Klouter Kabouter Kleuterskool het Vrydag, 19 Junie ‘n mandjiedans aangebied by Laerskool Levubu.

Die dans is gereël deur Klouter Kabouter Kleuterskool as fondsinsameling vir die skool. Dit was ‘n aand wat die hele gesin kon geniet, mense was gereed met hulle mandjies waarin hulle drinkgoed en hul vleis was, die bykosse en vure is deur die skool voorsien. Die tema vir die dans was ‘Country’ en mense het geleentheid gehad om pragfotos in die opgemaakte ingangsportaal geneem.

Springkastele het die kinders vermaak terwyl die ouers kon skoffel, die aand was ‘n reuse sukses en die kleuterskool bedank almal wat die aand bygewoon het en wat betrokke was by die reëlings.